Drésý - Bekký - Anný & Birý;)

PRÓF....

Tue, 20 May 2008 02:01:21 GMT

Ég ætla að viðurkenna það strax í byrjun að seinasta blogg mitt var meira svona tékklisti yfir það sem er að gerast hjá mér í maí en ekki öllum sensualas hópnum... :P
Ég fattaði samt ekki að ég hafði skrifað að þetta væri hjá okkur öllum fyrr en Snorri benti mér réttilega á það.. Haha.. ég get verið alger snillingur stundum (meint á kaldhæðnilegan hátt!)

Núna eru prófin aaalveg að verða búin hjá mér og Báru en báðar eru Andrea og Rebekka búnar og ég óska þeim til hamingju með það...

Ég vil í leiðinni óska henni Hrefnu til hamingju með afmælið þann 17. maí... Mér leitt að hafa gleymt að minnast á það í seinustu færslunni minni :P

Ég er eiginlega bara að blogga af því að ég nenni ekki að læra fyrir íslenskuprófið mitt :P

Blogga meira seinna...

Bleee

Maí..

Sat, 03 May 2008 20:55:12 GMT

Það er ekkert lítið sem er í gangi í maí.. En ég ætla að koma með svona smá upptalningu yfir hvað er að gerast og tala svo um hvaða þýðingu sumt þeirra hefur fyrir okkur hér á Sensualas...

Ég ætla að byrja á því að segja að Aron verður tvítugur þann 10. maí af því að það er fyrst í tímaröðinni minni..
Þetta er auðvitað ekki jafn mikilvægt fyrir okkur stelpurnar og það er fyrir hann Aron.. En það er alltaf gaman þegar einhver í vinahópnum verður tvítugur.. Því miður er þetta í miðjum prófum þannig að ég efast um að það verði gert e-ð mikið...
Prófin klárast
LOKSINS munu prófin klárast en þau klárast þann 19 maí og verður svo sannarlega tekið á því
Ragga verður 19
Já hún Ragnhildur verður 19 ára í maí
Pabbi verður 59
Já pabbi gamli er svo sannarlega að verða gamall...
Byrja að vinna í Samskip
Já ég mun vinna í Samskip í sumar og mun byrja að vinna þar í maí
Ragga og Benni fara til Mexico
Og missa af útskriftinni minni af því að þau fara daginn ÁÐUR...
ÚTSKRIFT
Þetta er atburður sem ég bæði hlakka til og kvíði fyrir.. Svo finn eg einnig til mikillar sorgar yfir lokum besta tímaskeiðs lífs míns..

Og þetta er alveg örrugglega ekki það eina sem mun gerast í Maí... En þetta er svona ca... Og þetta er ekki aalveg í tímaröð en svona næstum...

27 apríl 2008

Sun, 27 Apr 2008 18:57:07 GMT

27 apríl er:
- þreytandi
- lengi að líða
- notalegur
- rólegur
- stressandi
- skemmtilegur
- leiðinlegur
- langur
- venjulegur
- tilvalin dagur til þess að borða sun lolly

Maður Dagsins..
Ragnar Ólason frændi og listamaður, fyrir að gera ættingjum og aðdáendum ;) auðveldara fyrir við að nálgast lögin þeirra vina sem má finna á
http://profile.myspace.com/index.cfm?fuseaction=user.viewprofile&friendid=370415715 eða http://www.heimskyr.blog.is/blog/heimskyr/

Hrós dagsins..
Pabbi :D fyrir að vera svona duglegur kall...

Lag dagsins...
Tattoo með Jordin Sparks

Þakkir dagsins
Fá veðurguðirnir fyrir gott veður

Vonbrigði dagsins
Að geta ekki verið úti

Tungumál dagsins...
Þýska

Markmið dagins..
læra þýsku

Spakmæli dagsins...
LETI ER EKI ANNAÐ EN AÐ HVÍLA SIG ÁÐUR EN MAÐUR VERÐUR ÞREYTTUR

Kv. Bára Hlín

:'(

Fri, 25 Apr 2008 14:23:48 GMT

Er sárasta sorg okkar mætir,
Og söknuður huga vorn grætir.
Þá líður sem leiftur af skýjum,
Ljósgleisli af minningum hlýjum.

Hallgrímur J. Hallgrímsson

Upphafið að restinni af lífinu..

Tue, 15 Apr 2008 21:59:47 GMT

Eftir minna en einn og hálfan mánuð munum við standa á miklum tímamótum í lífinu.

-Endalok menntaskólaáranna og byrjunin á restinni af lífinu-

Ég finn til mikillar gleði og sorgar á sama tíma og get ekki áttað mig á því hvor tilfinningin ætti að vera ríkjandi. Ég er ánægð með það að ég sé að fara að byrja í Háskólanum og geti lært nákvæmlega það sem mig langar til að læra. En samt er ég sorgmædd yfir því að ég sé búin að upplifa mín menntaskólaár. En það eru árin sem flest fólk vísar til sem "bestu og skemmtilegustu ár lífs síns".. Ég veit ekki hvernig mér á eftir að líða þegar ég verð eldri en ég veit að þetta hafa án efa verið skemmtilegustu árin mín hingað til ! Sem gerir það að verkum að næstkomandi ár hafa hátt markmið til að ná ef þau eiga að vera jafngóð! En ég ætla svo sannarlega að vona það af því að ég er ekki einu sinni orðin tvítug!! :O Lífið er varla byrjað, samt finnst mér eins og því hljóti að fara að ljúka fyrst að menntaskólinn er búinn.. En lífið heldur áfram og maður þarf að passa að lifa því til fullnustu.. Eins og sagt er: Lifðu eins og þú deyir á morgun en láttu þig dreyma eins og þú lifir að eilífu...

Í boði ÁVAXTAKÖRFUNAR

Tue, 25 Mar 2008 01:15:21 GMT

Ef horft er á í réttu ljósi..........

Ágætt að hafa þessa setningu í huga þegar maður myndar sér skoðun á einhverju,... fær mann til að hugsa ,,ER ÉG AÐ HORFA Á ÞETTA Í RÉTTU LJÓSI, þ.e.a.s FRÁ RÉTTU SJÓNARHORNI" ?

Gæti hugsanlega hjálpað manni við að taka réttu ákvörðunina !

Ekki er verra að syngja þessa setningu :P, þar sem allir ættu að kannast við hana úr ÁVAXTAKÖRFUNNI GÓÐU ;)
Alveg ótrúlega skemmtilegt lag :lol:

Bára Hlín ;)

Kisan mín og Snorra:)

Thu, 21 Feb 2008 12:11:56 GMT

Jæja ætla að kynna nýjasta fjölskyldumeðliminn. Ég og Snorri vorum að fá litla sæta kisu:)

Það er hún Bíbí eða Snorri kallar hana það hehe. Þið ættuð að sjá Snorra, alltaf að leika við hana, talar þvílíkt við hana hehe og reyna að kenna henni hluti eins og hann kastar eitthverju og hún á að sækja það og koma með það aftur til hans!! Óttarlega sæt saman:)

Leiðinlegt veður...

Fri, 08 Feb 2008 21:11:20 GMT

Það er alveg ótrúlegt hvernig veðrið á Íslandi getur verið... Núna er löggan búin að segja að fólk eigi að halda sig inni og að fara ekki út nema í brýnustu nauðsýn!! Það er byrjað að flæða inn í hús og allt.. Ég keyrði framhjá bíl áðan sem hafði drepist á í miðju stórfljóti í miðjum Kópavogsbæ.. Þegar ég tala um stórfljót þá meina ég svokallaðan POLL sem var svo djúpur og stór að hann náði næstum upp að glugga á þessum polo eða Golf sem sat þarna fastur..

En ég er farin undir sæng að horfa á tellann...

sjáumst!!!!

Það er engin leið að hamingjunni. Hamingjan er leiðin.

Sun, 27 Jan 2008 17:39:15 GMT

,,Allt sem á sér stað var einu sinni draumur"

Ágætt að minna sig á það við og við, maður á til að vera allt of upptekin af því að láta sér dreyma um hitt og þetta að maður áttar sig ekki á því að það sem áður var manns heitasta ósk, er allt í einu orðin að einu af þessum sjálfsögðu hlutum sem umkringja okkur.
Fallin að hinu daglega amstri lífsins.
Engu mikilvægari en eitthvað annað.

Ég segi lifðu í mínútunni, því hún er eins dýrmæt og sú næsta.....

Kv. Bára Hlín :D

Grímuball...

Sat, 19 Jan 2008 03:26:25 GMT

Myndiru vilja mæta þessari í dimmu, þröngu húsasundi?

Haha þetta kvöld var ein snilld:P Það eru myndir á myspaceinu mínu og hjá Andreu.. Það eru fleiri og skemmtilegri myndir hjá Andreu samt:P urlið er www.myspace.com/andreabjork ....

Jaháá... Næsta ball er svo bara árshátíðin og getum við stelpurnar ekki beðið eftir henni :)... hún verður alger snilld... við allar stelpurnar geggjað fínar og svona :) hehe...

Ég asnaðist til að skrá mig í smásögukeppni i skólanum og ég er ekki byrjuð á einni einustu sögu... dettur ekkert þema, til að skrifa um, í hug. Ég er opin fyrir hugmyndum ef einhverjum dettur e-ð í hug:P

En ég ætla ekki að hafa þetta lengra í þetta sinn...

Anný "goth" Kjartansdóttir

2008!!!!

Thu, 10 Jan 2008 18:13:31 GMT

Ég hef á tilfinningunni að árið 2008 muni eiga eftir að breyta mörgu í lífi mínu!!! Ég er að fara að útskrifast úr menntaskóla... þó að mig langi svolítið til að halda áfram (með öllum sömu krökkunum náttúrulega)... Ég er ekkert viss um að ég fari beint í háskóla eða hvað... ég veit ekkert hvað ég á að gera... þó að það sé aðeins kominn 10 janúar þá er nú þegar margt búið að ske á þessu ári.. Ég myndi ekki endilega segja að það sé allt skemmtilegt... alls ekki sko... :'( En ég get þó sagt að spilakvöldið sem var seinasta laugardag hafi verið tær snilld þó að ég hafi ekki verið allt kvöldið :( Við skulum bara vona að ég sé ekki að vinna svona lengi næst...

Skólinn er því miður byrjaður af fullum krafti enn á ný og ég er ekki sú eina sem er með algeran skólaleiða... Ég nenni svo innilega ekki að vera í skólanum og vera að læra endalast og þurfa að ganga í gegnum próf og svo framvegis... það eina sem mér finnst skemmtilegt við skólann í augnablikinu eru böllin... og eftir nákvæmlega eina viku er grímuball MS og ég er að pæla í að fara sem "the wicked queen" eða s.s. svona eins og vonda stjúpmamman sem er drottning og norn... einhvernveginn... af því að ég á kjól sem ég get notað í það.. það eina sem mig vantar er kóróna og að finna útúr því hvernig ég get málað mig.... :P hehe... Ég vona að sem flestir séu að fara:P

Skrifið endilega í komment hvort þið ætlið eða ekki á grímuballið!!! =)

En já ég held að ég segi þetta gott núna... Maturinn fer alveg að verða tilbúinn og ég hef ekkert meira að segja...:P

P.S. Það er kominn nýr Foli og Hözzler mánaðarins... TJEKKIT

C yaa...

Síðasti dagur jólafrísins í dag..

Thu, 03 Jan 2008 13:54:01 GMT

Maður ætti kannski að gera svona smá annál?

Janúar-Febrúar: Ég get ekki sagt að ég muni almennilega hvað ég gerði í Janúar en þá var ég búin að eiga bílinn minn í mánuð.. Svo var ákveðið hvert ætti að fara í útskriftarferðinni 2007 MS í janúar eða Febrúar... í febrúar byrjaði ég í sambandi sem endaði í Maí... Sé ekki eftir því en myndi ekki endurtaka það... OG jii ég trúi ekki að ég hafi næstum gleymt 29. janúar... en þá fæddist hann Arngrímur Benedikt Kristinsson =) Sætasti litli strákurinn á Íslandi =) Svo var náttúrulega árshátíðin í Febrúar.. og var hún ein sú skemmtilegasta hingað til...

Mars: skóli og vinna... man ekki meir...

Apríl: Mamma átti afmæli og prófin byrja...

Maí: Pabbi og Ragga eiga afmæli og prófin klárast... 3 árið mitt í MS er BÚIÐ :'( Byrja að vinna í Samskip

Júní: Vinna, sofa og eitt fyllerí með Kristjönu og Lilju... Andrea verður nítján...

Júlí: Sama og Júni.. Borga útskriftarferðina til fulls... Hætti að vinna hjá Samskip seinasta daginn í Júlí...

ÁGÚST: PAKKA fyrir RHODOS og svo 2 VIKUR Á RHODOS... skemmtilegustu 2 vikur lífs míns án efa sko!!!!!!!! Langar AFTUR oooo mig langar svo að fara aftur.... Ég varð nítján ára daginn áður en við komum heim... og þá var DJAMMAÐ!!!! fór samt snemma uppá hótel með hinni ofurölvuðu Kristjönu... =P gat ekki látið hana fara að ráfa um eina...

September: Skólinn byrjaður á fullu og busaballið kemur og fer og var það eitt af þeim skemmtilegustu... Bjórkvöld Domino's og ég og Hrefna kynntumst almennilega í fyrsta skiptið.. búnar að vinna saman í næstum ár:P heheh löv:***

Október: Bára nítján ára og Októberfest kemur og fer og ég tekin af löggunni í fyrsta skipti í venjulegt tjekk en ökuskírteinið mitt er útrunnið og ég með einum of marga farþega og löggan stoppar mig fyrira UTAN húsið sem ég er að fara í *#%&#$%#&#

Nóvember: Hin víðfræga '85 vika gengur í garð og var það seinasta vika og ball okkar stelpnanna á þessu ári í MS =(=(=(=(....

Desember: prófin byrja og hefur mér aldrei gengið jafn illa.... en ég náði þó öllu og þarf bara að bæta mig á þessu ári... Rebekka varð svo 19 í miðjum prófunum... jeijjj :/ haha.. svo fer ég að vinna í samskip í eina viku fyrir jól og einn dag eftir jól.. Svo komu JÓLIN og voru þetta ÆÐISLEG JÓL... Skemmtilegasti gamlársdagur sem ég hef upplifað líka!!! hann var ÆÐI PÆÐI!! haha...

Takk fyrir árið elsku stelpurnar mínar :*** Gaman að eiga ykkur að!!!! =) ;***

Jólin.... =)

Mon, 24 Dec 2007 22:19:58 GMT

...Gleðileg Jól...

****

...Farsælt komandi ár...

Frá selpunum hérna á Sensualas

Próflokadjamm seinasta föst - ég enn í prófum???

Tue, 18 Dec 2007 00:32:36 GMT

Ég var að fá svona stól í jólagjöf frá mömmu og pabba... Bara rauðan eins og sérst þarna ofar =)

En já seinasta föstudag var próflokadjamm heima hjá henni Hrefnu.. Það var svakalegt stuð á fólkinu þar... Held samt að Anna Kolbrún muni ekki sitja hjá mér á næstu viðburðum hjá okkur stelpunum þar sem ég káfaði ÓVART á henni!!! hahaha.... En ég er enn í prófum og ætti í rauninni núna að vera að læra en ekki að blogga... ég bara gat ekki lesið lengur og ákvað að taka mér smá pásu, fara í tölvuna og hlusta á smá tónlist :) Ég elska tónlist... Mig langar að hlusta á jólatónlist!! ég er bara með svo lítið af henni í tölvunni minni

Mamma var að baka franskar piparkökur í dag og ég get varla haldið mig frá þeim :P Þær minna mig svo rosalega mikið á jólin... :P

En ég er farin að halda áfram að læra....

bless í bili

Anný - "heimspekingur"

Ljóðabatl...

Tue, 04 Dec 2007 17:24:29 GMT

Ég biðst velvirðingar á bloggleysi á þessari síðu hérna undanfarið.... Persónulega hef ég verið of upptekin í ljóðabattlinu á geðveikum... Og Rebekka... bara að benda þér á að þú ert meðlimur Sensualas og kemst inn á stjórnkerfið og ættir því kannski bara að blogga sjálf ef þig langar í blogg....

En ég er bara á fullu að læra heimspekina núna... og hugsa um minn smáa "gamla" litháa... haha... ég vissi að einhver myndi skjóta þessu á mig áður en ég setti ljóðið þarna inn.... hí´hi

En hérna er komið eitt ógeðslega leiðinlegt blogg af því að ég hef ekkert að blogga um... ætti að vera að læra og það er einmitt það sem ég ætla að fara að gera núna og vona ég að fleiri fari að mínu fordæmi og læri e-ð fyrir blessuð jólaprófin...

Svo verður tekið ærlegt prófloka/jóladjamm á þetta...

peace out!!!!

Ég hugsa þess vegna er ég - Descartes